Navadurga
प्रथमं शैलपुत्रीति द्वितीयं ब्रह्मचारिणी ।
तृतीयं चन्द्रघण्टेति कूष्माण्डेति चतुर्थकम् ॥
पञ्चमं स्कन्दमातेति षष्ठं कात्यायनी तथा ।
सप्तमं कालरात्रिश्च महागौरीति चाष्टमम् ॥
नवमं सिद्धिदात्री च नवदुर्गाः प्रकीर्तिताः ।
उक्तान्येतानि नामानि ब्रह्मणैव महात्मना ॥
Devi Shailaputri
वन्दे वाञ्छितलाभाय चन्द्रार्धकृतशेखरां
वृषारूढां शूलधरां शैलपुत्री यशस्विनीम् ॥
Devi Brahmacharini
दधाना करपद्माभ्यामक्षमाला कमण्डलू
देवी प्रसीदतु मयि ब्रह्मचारिण्यनुत्तमा ॥
Devi Chandraghanta
पिण्डजप्रवरारूढा चन्दकोपास्त्रैर्युता
प्रसादं तनुते मह्यं चन्द्रघण्टेति विश्रुता ॥
Devi Kushmanda
सुरासम्पूर्णकलशं रुधिराप्लुतमेव च
दधाना हस्तपद्माभ्यां कूष्माण्डा शुभदास्तु मे ॥
Devi Skandamata
सिम्हासनगता नित्यम् पद्माश्रितकरद्वया
शुभदास्तु सदा देवी स्कन्दमाता यशस्विनी ॥
Devi Katyayani
चन्द्रहासोज्ज्वलकरा शार्दूलवरवाहना
कात्यायनी शुभं दद्यादेवि दानवघातिनी ॥
Devi Kalaratri
एकवेणी जपाकर्णपूर नग्ना खरस्थिता
लम्बौष्ठी कर्णिकाकर्णी तैलाभ्यक्तशरीरिणी ॥
वामपादोल्लसल्लोहलताकण्टकभूषणा
वर्धनमूर्ध्वजा कृष्णा कालरात्रिर्भयङ्करी ॥
Devi Mahagauri
श्वेते वृषे समारूढा श्वेताम्बरधरा शुचिः
महागौरी शुभं दद्यान्महादेवप्रमोददा ॥
Devi Siddhidatri
सिद्धगन्धर्वयक्षाद्यैरसुरैरमरैरपि
सेव्यमाना सदा भूयात् सिद्धिदा सिद्धिदायिनी ॥
